Dy anëtarë të stafit të sigurisë në aeroportin ndërkombëtar të Hong Kongut humbën jetën të hënën kur një aeroplan mallrash nga Dubai doli nga pista gjatë uljes dhe u përplas me një makinë sigurie, duke përfunduar në det.
Avioni Boeing 747, i cili u përfshi në aksidentin më të madh që ka ndodhur në aeroport në më shumë se 25 vjet, përfundoi në det dhe u fundos pjesërisht, por katër anëtarët e ekuipazhit në bord u shpëtuan.
Vdekja e parë u konfirmua në vendngjarje dhe e dyta më vonë në spital, sipas Stephen Yu, drejtor ekzekutiv i Operacioneve të Aeroportit të Hong Kongut.
Aksidenti në aeroportin më të ngarkuar të mallrave në botë përfshiu një avion të operuar nga kompania turke e mallrave ACT Airlines në emër të Emirates, tha linja ajrore me seli në Dubai në një deklaratë.
Autoritetet po hetojnë ende shkaqet e sakta të rrëzimit, kushtet e motit, kushtet në pistë dhe në aeroplan, theksoi Yu.
Piloti i avionit të transportit konfirmoi planet e tij për t’u ulur në pistën 07L , pa përmendur ndonjë problem teknik, raporton Reuters.
Man Ka-Tsai, hetuesi kryesor i aksidenteve dhe sigurisë për Autoritetin e Hetimit të Aksidenteve Ajrore të Hong Kongut, konfirmoi se kontrolli i trafikut ajror e kishte udhëzuar fluturimin të ulej në pistën veriore, por shtoi: “Nuk morëm një mesazh që kërkonte ndihmë nga piloti”.
Yu tha se makina e patrullës së sigurisë ishte përgjegjëse për korsinë veriore. Ajo po vepronte në zonën e saj të zakonshme.
Avioni papritmas u kthye majtas pasi u ul në pistë përpara se të godiste automjetin, duke kryer një kurs të parregullt, theksoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
