Rastet e infeksioneve bakteriale seksualisht të transmetueshme janë rritur ndjeshëm në Evropë, njoftoi sot, Qendra Evropiane për Parandalimin dhe Kontrollin e Sëmundjeve (ECDC).
Rastet e gonorresë dhe sifilizit arritën nivelet e tyre më të larta në më shumë se një dekadë në vitin 2024, sipas agjencisë shëndetësore të Bashkimit Evropian, e cila ka selinë në qytetin Solna të Suedisë.
ECDC regjistroi 106.331 raste të gonorresë në vitin 2024 , një rritje prej 303%.
Numri i rasteve të sifilizit u dyfishua gjatë së njëjtës periudhë, duke arritur në 45.577.
Klamidia mbeti infeksioni më i zakonshëm seksualisht i transmetueshëm, me 213.443 raste, tha ECDC.
Bruno Csanzo i ECDC paralajmëroi se infeksionet e patrajtuara mund të çojnë në probleme serioze shëndetësore, përfshirë dhimbje kronike dhe infertilitet.
Në rastin e sifilizit, ndërlikimet mund të ndikojnë edhe në zemër, enët e gjakut dhe sistemin nervor.
Ai tha se rritja e rasteve të sifilizit të transmetuar nga nëna tek fëmija është veçanërisht shqetësuese, me raportet që janë dyfishuar midis viteve 2023 dhe 2024.
“Mbrojtja e shëndetit seksual mbetet e domosdoshme. Përdorni prezervativ me partnerë të rinj ose me shumë partnerë dhe testohuni nëse keni simptoma, të tilla si dhimbje, sekrecione ose ulçerë”, tha Chancho.
Sipas ECDC-së, burrat që kryejnë marrëdhënie seksuale me burra janë grupi më i prekur nga infeksionet, kryesisht gonorreja dhe sifilizi.
Sifilzi po bëhet gjithashtu më i zakonshëm tek njerëzit heteroseksualë, veçanërisht gratë në moshë riprodhuese.
ECDC njoftoi se rastet e regjistruara të transmetimit të sifilizit nga nëna tek fëmija u rritën nga 78 në vitin 2023 në 140 në vitin 2024 në 14 vendet që ofruan të dhëna përkatëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
