Sekretari i Përgjithshëm i NATO-s, Mark Rutte, pritet të zhvillojë një takim të rëndësishëm me presidentin amerikan Donald Trump në Shtëpinë e Bardhë, në prag të samitit të aleancës që do të mbahet pas dy javësh në Ankara.
Qëllimi kryesor është shmangia e tensioneve dhe koordinimi i qëndrimeve mes SHBA-së dhe aleatëve. Rutte përballet me sfidën për t’i treguar Trumpit se vendet anëtare po rrisin angazhimin në mbrojtje, ndërsa disa prej tyre vazhdojnë të kenë vështirësi në përmbushjen e objektivave të dakorduara.
Në fokus të bisedimeve do të jenë investimet ushtarake, mbështetja për Ukrainën dhe roli i NATO-s në përballjen me krizat e sigurisë.
Megjithëse marrëdhëniet mes Trump dhe Rutte konsiderohen të mira, aleatët mbeten të shqetësuar për kërkesat në rritje të Uashingtonit dhe mundësinë e mosmarrëveshjeve gjatë samitit të ardhshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
