Lukashenko: Putin dhe Zelensky duan paqe. Fundi i konfliktit varet nga Trump

“Si Presidenti rus Vladimir Putin ashtu edhe Presidenti ukrainas Volodymyr Zelensky duan paqe, por ata kanë pikëpamje të ndryshme se si t’i japin fund armiqësive”, tha presidenti bjellorus Alexander Lukashenko në një intervistë me Newsmax.

Kanali Telegram First Man’s Pool, i afërt me administratën presidenciale, publikoi një fragment nga intervista. Lukashenko tha se beson që shumë gjëra do të varen nga Presidenti i Shteteve të Bashkuara të Amerikës, Donald Trump në zgjidhjen e konfliktit.

Jam i sigurt që Putini dëshiron paqe. Nuk do t’i përmend arsyet. Ju i dini mirë. Ka arsye si të brendshme ashtu edhe të jashtme. Zelensky dëshiron të njëjtën gjë. Nuk kam dyshim. Sidomos tani. Ai dëshiron paqe. Megjithatë, ata kanë mendime të ndryshme se si t’i jepet fund konfliktit. Tani, shumë gjëra do të varen nga qëndrimi i Trump dhe i Shteteve të Bashkuara. 

 

Gjëja kryesore është që Trump të mos tërhiqet nga ky qëndrim. Ai është një njeri me karakter, ndonjëherë impulsiv. Ai nuk duhet të dorëzohet, të heqë dorë dhe të largohet. Nëse këmbëngul në këtë rrugë, do të ketë rezultate.

 

Nëse do të varej vetëm nga Trump, konflikti do të kishte mbaruar shumë kohë më parë. Ende ka dy palë në konflikt: Rusia dhe Ukraina. Dhe ne, Bjellorusi, i jemi bashkuar grupit; jemi fqinjë në këtë konflikt dhe edhe ne jemi të interesuar se si do të zhvillohen gjërat dhe si do të përfundojnë. Prandaj, ky është një proces shumëpalësh. Trump nuk do ta zgjidhë këtë çështje i vetëm.

 

Presidenti bjellorus deklaroi gjithashtu se fronti ukrainas po shembet. “Konflikti do të vazhdojë derisa forcat që e detyrojnë Zelenskyn të bëjë paqen të mbizotërojnë në Ukrainë”, vlerësoi Lukashenko, duke iu përgjigjur një pyetjeje se çfarë do të ndodhte nëse Trump do të braktiste procesin e paqes.

Këto forca do ta detyrojnë Zelenskyn të bëjë paqe kur i gjithë fronti të fillojë të shembet. Megjithëse ne tashmë e shohim këtë të fillojë të ndodhë.