E gjithë tarraca e Bazilikës së Shën Pjetrit së shpejti do të jetë e hapur për publikun, i cili do të jetë gjithashtu në gjendje të ndjekë ceremonitë fetare në 60 gjuhë.
Kështu ka bërë me dije vetë Vatikatini.
Këto ndryshime, data e të cilave nuk është njoftuar ende, janë pjesë e iniciativave që shënojnë 400-vjetorin e inaugurimit të bazilikës këtë vit.
Shën Pjetri është kisha më e madhe në botë dhe qendra e katolicizmit global.
Vatikani ka lançuar gjithashtu një aplikacion të ri për të ndjekur liturgjitë në bazilikë, duke ofruar lexime, himne dhe përkthim të njëkohshëm të festimeve në 60 gjuhë.
“E gjithë tarraca e bazilikës do të jetë e aksesueshme”, deklaroi Kryeprifti i bazilikës, Kardinali Mauro Gambetti, në një konferencë për shtyp, duke specifikuar se zona e shërbimit të ushqimit do të dyfishohej në madhësi për të arritur në 100 metra katrorë.
Vatikani më parë kishte kërkuar të minimizonte raportet për një kafene në tarracë, e cila kishte shkaktuar një debat të nxehtë publik në lidhje me komercializimin e një hapësire të shenjtë.
Në vend do të mbahen gjithashtu ekspozita, kushtuar historisë, ndërtimit dhe mirëmbajtjes së kishës. Rreth 20,000 njerëz vizitojnë bazilikën, një xhevahir i arkitekturës së Rilindjes, çdo ditë, dhe menaxhimi i këtyre flukseve turistike përfaqëson një sfidë të madhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
