Reshjet e dendura të dëborës që filluan të premten në mbrëmje janë intensifikuar në shpatet lindore të malit Everest. Rreth 350 alpinistë janë evakuuar, ndërsa 200 të tjerë janë ende të bllokuar, raportuan mediat shtetërore kineze.
Qindra vendas dhe ekipe shpëtimi janë pozicionuar në zonë për të pastruar borën që bllokon hyrjen në zonë.
Stuhia e borës ra gjatë pushimeve tetë-ditore të Javës së Artë në Kinë, ku shumë alpinistë u dyndën në Luginën Karama në Tibet, e cila të çon në faqen lindore të Everestit.
Udhëzuesit malorë u kapën në befasi nga reshjet jashtëzakonisht të dendura të dëborës, ndërsa tetori është zakonisht një nga sezonet kulmore të ecjes në malet Everest, ku temperatura njihet si tolerante dhe qielli është i kthjellët. Disa kanë paralajmëruar për rrezikun e hipotermisë.
Moti i keq i papritur ka goditur edhe Nepalin, ku shirat e rrëmbyeshëm dhe përmbytjet kanë vrarë të paktën 47 persona që nga e premtja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
