OKB-ja ka rivendosur sanksione të ashpra ndaj Iranit këtë fundjavë.
Masat e reja hynë në fuqi pasi tre partnerët evropianë të marrëveshjes bërthamore me Iranin - Mbretëria e Bashkuar, Franca dhe Gjermania akuzuan Tehranin për përshkallëzim të vazhdueshëm bërthamor dhe mungesë bashkëpunimi.
“Rivendosja e sanksioneve të OKB-së nuk është fundi i diplomacisë”, thanë evropianët në një deklaratë të përbashkët.
Bisedimet mes tre vendeve dhe Iranit në OKB nuk arritën të prodhonin një marrëveshje të re. Në mënyrë specifike, ata përmendën refuzimin e Teheranit për të bashkëpunuar me mbikëqyrësin bërthamor të OKB-së, Agjencinë Ndërkombëtare të Energjisë Atomike.
Ndërkohë, Teherani kërkon garanci sigurie për objektet e tij bërthamore se nuk do të sulmohen nga Izraeli, që të heqë dorë nga program për pasurimin e uraniumit.
Irani pezulloi inspektimet e objekteve të tij bërthamore pasi Izraeli dhe SHBA-tw bombarduan disa prej centraleve tw tij bwrthamore dhe bazat ushtarake.
Më herët, presidenti Masoud Pezeshkian tha se Tehrani nuk ka ndërmend të zhvillojë armë bërthamore.
Rivendosjen e sanksioneve Pezeshkian e përshkroi "të padrejtë dhe të paligjshme".
Aktiviteti bërthamor i Iranit u shtua pasi Donald Trampi tërhoqi SHBA-në nga marrëveshja bërthamore në vitin 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
