Qeveria e Koresë së Jugut mund të ketë humbur përgjithmonë 858 TB informacion pasi një hard disk i rëndësishëm u shkatërrua në një zjarr në një qendër të dhënash në Daejeon.
Siç raportohet, një zjarr në baterinë e qendrës së të dhënave të Shërbimit Kombëtar të Burimeve të Informacionit, të vendosur në qytetin Daejeon, më 26 shtator, ka shkaktuar kaos për shërbimet qeveritare në Kore.
Puna për të rivendosur qendrën e të dhënave vijon, por zyrtarët dyshojnë se të dhënat e ruajtura në G-Drive të qeverisë mund të jenë zhdukur përgjithmonë.
G-Drive, që do të thotë Government Drive dhe nuk është një produkt i Google, përdorej nga stafi qeveritar për të ruajtur dokumente dhe skedarë të tjerë. Çdo punonjësi i ishin ndarë 30 GB hapësirë.
Sipas një raporti nga The Chosun, disku ishte një nga 96 sistemet e shkatërruara plotësisht nga zjarri dhe nuk ka asnjë sistem rezervë.
“G-Drive nuk mund të kishte një sistem rezervë për shkak të kapacitetit të tij të madh. 95 sistemet e mbetura kanë të dhëna rezervë në forma online ose offline”, tha një zyrtar i paidentifikuar për The Chosun.
Deri të shtunën, vetëm 115 nga 647 rrjetet e prekura ishin rikthyer në funksion, një normë rikuperimi prej 17.8 përqind. Një rikuperim i plotë pritet të zgjasë një muaj. Qeveria thotë se do të ofrojë alternativa për shërbimet më të rëndësishme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
