Tension në Jerusalem, Izraeli mbyll për herë të parë Kishën e Varrit të Shenjtë para Pashkëve

Izraeli ka mbyllur Kishën e Varrit të Shenjtë për herë të parë në histori, duke ndaluar të gjitha shërbesat e Javës së Shenjtë dhe Pashkëve. 

Vendimi, i arsyetuar me shqetësime sigurie, ka shkaktuar reagim të fortë nga Vatikani dhe autoritetet kishtare lindore, të cilat po kërkojnë rihapjen e menjëhershme. 

Izraeli e justifikon vendimin me “arsye sigurie”, por Vatikani e ka quajtur këtë një justifikim për të heshtur të krishterët, ndërkohë që hebrenjtë lejohen të festojnë në masë të madhe. 

Përveç mbylljes së xhamisë Al-Aqsa, kjo është një masë e paprecedentë që pengon klerin të kryejë shërbesat e përditshme.

Sipas burimeve të Vatikanit, porta historike me dy fletë, që ka mbrojtur hyrjen e kishës për shekuj, nuk është mbyllur kurrë për një periudhë kaq të gjatë. 

Edhe gjatë luftërave, tensioneve apo pandemisë, qasja ka qenë vetëm e kufizuar, jo e ndaluar plotësisht.