Presidenti rus Vladimir Putin tha se vendi i tij mbetet një nga prodhuesit kryesorë në botë të naftës, pavarësisht sanksioneve perëndimore dhe presionit nga homologu i tij amerikan Donald Trump mbi klientët e Moskës.
“Rusia e ruan pozicionin e saj si një nga prodhuesit kryesorë të naftës në botë, pavarësisht mekanizmave të konkurrencës së padrejtë të përdorur kundër nesh”, tha Vladimir Putin në një forum energjie në Moskë.
Ai tha se Rusia përbën 10 përqind të prodhimit global.
“Sektori rus i naftës ështëfleksibël dhe ka krijuar me sukses kanale të reja furnizimi dhe pagese ”, vazhdoi ai.
Vladimir Putin përshëndeti gjithashtu faktin se eksportet e gazit, për të cilat Rusia është gjithashtu ndër prodhuesit kryesorë në botë, po sigurohen në tregje, pavarësisht kufizimeve të vendosura nga vendet e BE-së, ish-klientët kryesorë të Moskës.
"Rusia synon të forcojë pozicionin e saj si lider botëror në sektorin e energjisë ", shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
