Kapelja e mbajtur nga Harrison Ford në filmin “Indiana Jones dhe Tempulli i Fatit” u shit në një ankand në Londër për 365.400 paund ose rreth 418 mijë euro.
Kapelja fedora, e cila është bërë një nga simbolet e personazhit, ishte artikulli më i shtrenjtë në ditën e parë të një ankandi që përfshinte 2342 artikuj nga bota e kinemasë: kostume, postera, aksesorë dhe materiale të përdorura në filmat klasikë.
Ankandi tërësisht virtual po organizohet nga Propstore, një specialist në memorabiliet bashkëkohore të filmit dhe muzikës.
Kapelja, loti 220, është një kapelë fedora me një brez kafe të errët, në gjendje pothuajse perfekte me konsumim minimal. U prodhua me porosi nga kompania historike e kapelave Herbert Johnson në Londër për të replikuar nga afër atë të paraqitur në pjesën e parë të sagës, Raiders of the Lost Ark.
Artikuj të tjerë me çmim të lartë përfshinin kostumin e elfit Buddy të Will Ferrell nga Elf, i cili u shit për 239.000 paund (273.000 euro), dhe hoverboard-in ikonik të Marty McFly, të përdorur nga Michael J. Fox në Back to the Future II dhe III, i cili u shit për 233.100 paund (266.885 euro).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
