Media britanike “The Guardian” shkruan se bashkëpunëtorët e Viktor Orbanit, ish-kryeministri hungarez, po nxitojnë të transferojnë pasurinë e tyre jashtë vendit. Avionë privatë të ngarkuar me plaçkat e tyre po ngrihen në fluturim rregullisht nga Vjena. Shumë të tjerë po nxitojnë t’i investojnë asetet e tyre jashtë vendit, shkruan “The Guardian”.
Sipas medias britanike, që nga marrja e pushtetit në vitin 2010, një rreth i ngushtë bashkëpunëtorësh të Orbanit kanë grumbulluar pasuri shumë të mëdha, kryesisht falë kontratave që qeveria jepte për miqtë e kryeministrit.
“Guardian” pretendon se tre anëtarë të rrethit të ngushtë të Orbanit kanë filluar të zhvendosin asetet e tyre jashtë vendit. Asetet po transferohen në Arabi Saudite, Oman dhe Emiratet e Bashkuara Arabe. Edhe kryeministri i zgjedhur Péter Magyar ka akuzuar ata që po largohen nga pushteti se po largojnë pasuritë për t’u ruajtur nga llogaridhënia përpara ligjit.
Oligarkët e lidhur me Orbanin po transferojnë dhjetëra miliarda euro në Emiratet e Bashkuara Arabe, Shtetet e Bashkuara, Uruguai dhe vende të tjera të largëta. Gjithashtu, jam informuar se disa familje oligarkësh janë larguar tashmë nga vendi. Sipas raportimeve, disa familje oligarkësh me ndikim i kanë tërhequr fëmijët e tyre nga shkolla dhe po organizojnë personel sigurie për largimin e tyre. Po marrim gjithnjë e më shumë raportime për shkatërrim dokumentesh nga ministri të ndryshme dhe kompani të afërta me partinë e Orbanit, “Fidesz”.
Magjari i bëri thirrje prokurorit të përgjithshëm, shefit të policisë dhe kreut të zyrës së taksave që të mos i lejojnë të ikin nëpër vende prej nga s’mund të ekstradohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
