Sulm me eksploziv ndaj një treni në Pakistan, të paktën 24 të vdekur dhe mbi 50 të plagosur

Të paktën 24 persona kanë humbur jetën këtë të diel si pasojë e një sulmi me eksploziv ndaj një treni që transportonte personel ushtarak në provincën e trazuar të Baluchistanit, në jugperëndim të Pakistanit.

Lajmi është konfirmuar nga një zyrtar i lartë lokal, i cili bëri të ditur se mes viktimave ka edhe ushtarakë.

Sulmi ndodhi në Quetta, kryeqendra e provincës Baluchistan, ndërsa shpërthimi shkaktoi gjithashtu mbi 50 të plagosur.

Autoritetet pakistaneze kanë nisur hetimet për zbardhjen e plotë të ngjarjes, ndërsa deri më tani nuk ka një reagim zyrtar lidhur me autorët e sulmit.