Një gjykatë në Kinë dënoi ish-ministrin e Drejtësisë Tang Yijun me burgim të përjetshëm të hënën, të akuzuar për korrupsion.
Tang, i cili u akuzua vitin e kaluar për ryshfet pasiv dhe abuzim me pushtetin, u shpall fajtor dhe do të kalojë pjesën tjetër të jetës së tij në burg, raportuan transmetuesi shtetëror CCTV dhe gazeta China Daily.
Tang akuzohet se ka ndihmuar anëtarët e familjes së tij të sigurojnë marrëveshje financiare dhe ka pranuar dhurata të majme dhe shpenzime udhëtimi, në shkelje të kodit të etikës së Partisë Komuniste, sipas Komisionit Qendror për Inspektimin e Disiplinës (CCDI).
Ai dyshohet gjithashtu se është përpjekur t’u sjellë dobi të tjerëve në emërimet e personelit, ka pranuar ryshfete dhe ka ndërhyrë në aktivitetet e tregut dhe çështjet gjyqësore, tha CCDI në një deklaratë të postuar në faqen e saj të internetit një ditë më parë.
Pak kohë më parë, autoritetet kineze njoftuan se po hetonin 34 kompani në pronësi të gruas së ish-ministrit Zhulan Mingjie për pastrim parash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
