Misioni Artemis II ka hyrë në fazën vendimtare, duke u nisur nga Florida drejt Hënës në një udhëtim historik 10-ditor.
Raketa e fuqishme e NASA, pjesë e programit Artemis, mban në bord katër astronautë, mes tyre Christina Koch, gruaja e parë në një mision të tillë, dhe Victor J. Glover, astronauti i parë me ngjyrë në një fluturim hënor.
Pak minuta pas nisjes, komandanti Reid Wiseman raportoi pamje spektakolare nga hapësira, duke konfirmuar trajektoren drejt Hënës.
Sipas NASA-s, misioni arriti orbitën e Tokës vetëm nëntë minuta pas ngritjes, ndërsa kapsula Orion vijoi udhëtimin pas ndarjes nga raketa.
Gjatë misionit, ekuipazhi do të testojë sistemet e anijes në hapësirë të thellë, duke arritur deri në rreth 230 mijë milje nga Toka. Pas një fluturimi rreth Hënës, kapsula pritet të rikthehet në Tokë me ulje në Oqeanin Paqësor.
Ky mision shënon rikthimin e fluturimeve me ekuipazh drejt Hënës pas më shumë se pesë dekadash dhe konsiderohet një hap i madh në eksplorimin hapësinor global.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
