Vëllai i Princeshës Diana, Earl Spencer, ka shpërthyer në akuza të forta ndaj mediave tabloide, duke deklaruar se trajtimi i Princit Harry dhe Meghan Markle ka "jehona" të frikshme me atë që çoi në shkatërrimin dhe vdekjen e motrës së tij në vitin 1997.
Në një intervistë ekskluzive për BBC, Spencer e përshkroi presionin mediatik mbi Dukën dhe Dukeshën e Sussex si një "ndikim kancerogjen" dhe paralajmëroi publikun se është detyrë e të gjithëve të mësojnë nga gabimet e bëra me Dianën.
Spencer solli në kujtesë se si motra e tij "ndiqej shumë keq nga të gjitha ato kritika" dhe kujtoi "lotët e saj të dëshpërimit" kur përballej me sulmet e shtypit. Ai theksoi se sot sheh të njëjtën gjë te nipi i tij, Princi Harry dhe Meghan, të cilët së fundmi u rikthyen në Mbretërinë e Bashkuar nga Kalifornia.
Nuk jam këtu për të folur në emër të Harry-t dhe Meghan-it, por për këdo që po shkatërrohet në këtë mënyrë çdo ditë, duhet të ketë një ndikim kaq kancerogjen në jetën e tij.
Earl Spencer sqaroi gjithashtu se ai nuk mban anë brenda përçarjes mbretërore, por mbron të dy djemtë e motrës së tij të ndjerë (Harry-n dhe William-in).
Unë jam në anën e djemve të motrës sime. Nëse ndonjëri prej tyre do të donte diçka, unë do të isha pranë tyre.
Kjo intervistë vjen në një moment tensioni maksimal përpara publikimit të librit të tij të ri, “Kënga e mjellmës: Diana, motra ime”.
Spencer ka rindezur një debat të ashpër duke pretenduar se Mbreti Charles i kishte thënë në një telefonatë, pak ditë pas vdekjes së Dianës, se njerëzit do ta harronin atë "shumë shpejt". Ai madje shkoi më tej duke pretenduar se Charles dukej "jashtëzakonisht i gëzuar, si një fitues lotarie" gjatë asaj bisede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
