Vëzhguesit e qiellit do të kenë mundësi sonte të shohin sesi hija e Tokës do të “përgjakë” satelitin e saj. I njohur si eklipsi total hënor, ai do ta kthejë Hënën në të kuqe të ndezur, të dukshme në pjesën më të madhe të botës.
Mbi shtatë miliardë njerëz pritet ta shohin eklipsin total. Disa rajone do të shohin vetëm faza të pjesshme të eklipsit. Shtetet e Bashkuara do ta humbasin plotësisht ngjarjen këtë herë. Për ata që nuk mund ta ndjekin jashtë, transmetimet online janë ideale. Në Youtube do të jenë disa kanale që do ta transmetojnë live.
Spektakli do të jetë i garantuar për vëzhguesit e qiellit në të gjithë Azinë dhe Australinë Perëndimore, të cilët do të kenë pamjen më të mirë. Ndërkohë, edhe ata në Evropë, Afrikë, Australinë lindore dhe Zelandën e Re mund të shohin ende hënën gjatë disa fazave të eklipsit, përfshirë eklipsin total.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
