Koreja e Veriut ka deri në 2000 kg uranium të pasuruar në nivel të lartë falë përpjekjeve të vendosura për të zgjeruar “drastikisht” kapacitetet e saj bërthamore në vitet e fundit.
Ky është vlerësimi i bërë publik në një konferencë për mediat nga Ministri i Unifikimit i Koresë së Jugut, Chung Dong-young, bazuar në të dhënat e disponueshme publikisht nga ekspertët, sipas agjencisë së lajmeve Yonhap.
“Një ndalesë është urgjente. Edhe në këtë moment, centrifugat e uraniumit në katër zona të Veriut po funksionojnë për të grumbulluar material bërthamor”, deklaroi Chung.
Sipas tij, rifillimi i bisedimeve Kore e Veriut-SHBA do të ishte një “pikë kthese” nga ngërçi në denuklearizimin e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
