Sekretari Amerikan i Shtetit, Marco Rubio, ka njoftuar se do të zhvillojë bisedime me Danimarkën javën e ardhshme, mes shqetësimeve mbi dëshirën e Amerikës për të blerë territorin danez të Groenlandës.
Deklarata e Rubios për gazetarët u bë pas një takimi me dyer të mbyllura me senatorët amerikanë vjen një ditë pasi Shtëpia e Bardhë tha se Presidenti i SHBA-së Donald Trump kishte diskutuar mundësitë, përfshirë forcën ushtarake, për të blerë Groenlandën.
Shqetësimet për të ardhmen e territorit u rishfaqën pas përdorimit të njëanshëm të forcës ushtarake nga Trump kundër Venezuelës të shtunën për të kapur presidentin e saj Nicolas Maduro.
Administrata Trump thotë se Groenlanda është jetike për sigurinë e SHBA-së, ndërsa Danimarka nga ana e saj shprehet se një sulm do t’i jepte fund aleancës ushtarake të NATO-s.
Nëse presidenti identifikon një kërcënim për sigurinë kombëtare të Shteteve të Bashkuara, çdo president ruan mundësinë për ta adresuar atë me mjete ushtarake. Si diplomat, që jam unë tani, dhe mbi çfarë po punojmë, ne gjithmonë preferojmë ta zgjidhim çështjen në mënyra të ndryshme përfshirë edhe Venezuelën.
Më herët gjatë ditës, Ministri i Jashtëm Francez Jean-Noel Barrot tha se Rubio kishte përjashtuar mundësinë e një pushtimi të Groenlandës në një telefonatë me të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
