Grupi i krahut të majtë Antifa do të shpallet organizatë terroriste në Hungari. Kjo u njoftua nga Presidenti Viktor Orban, i cili ka vendosur kështu të ndjekë gjurmët e Presidentit të Shteteve të Bashkuara të Amerikës Donald Trump, i cili kohët e fundit njoftoi të njëjtin qëllim.
Duke folur në intervistën e tij të rregullt me Kossuth Radio, presidenti hungarez tha se ishte i kënaqur me vendimin e Trump, duke njoftuar qëllimin e tij për të bërë të njëjtën gjë në Hungari.
“Antifa është një organizatë terroriste. Ata erdhën edhe tek ne, rrahën njerëz të pafajshëm në rrugë, rrahën disa për vdekje, pastaj shkuan në Bruksel për t'u bërë përfaqësues të Parlamentit Evropian dhe prej andej po i japin leksione Hungarisë mbi sundimin e ligjit”, tha Orban.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
