Presidenti i Shteteve të Bashkuara, Donald Trump, ka paralajmëruar se mund të rishikojë marrëveshjen tregtare të arritur vitin e kaluar me Mbretërinë e Bashkuar, duke shprehur pakënaqësi për mungesën e mbështetjes britanike që nga fillimi i luftës në Lindjen e Mesme.
Në një intervistë për Sky News, Trump deklaroi se marrëveshja mund të ndryshohet në çdo moment.
“Ne u dhamë atyre një marrëveshje të mirë tregtare, më të mirë se sa isha i detyruar të bëja, dhe ajo mund të ndryshohet”, tha ai.
Marrëveshja e arritur vitin e kaluar mes Londrës dhe Uashingtonit parashikonte kufizimin në 10% të tarifave doganore amerikane për shumicën e produkteve të prodhuara në Britani.
Në këmbim, Mbretëria e Bashkuar pranoi të hapte më shumë tregun e saj për produkte amerikane si etanoli dhe mishi i viçit, çka shkaktoi shqetësime brenda vendit.
Në atë kohë, kjo marrëveshje konsiderohej e favorshme për Londrën, pasi siguronte nivelin më të ulët të tarifave që SHBA aplikonin ndaj një vendi të tretë.
Megjithatë, ky avantazh është zbehur pas një vendimi të Gjykata Supreme e SHBA, e cila rrëzoi një pjesë të tarifave shtesë amerikane.
Si pasojë, autoritetet amerikane vendosën një tarifë të përkohshme prej 10% mbi pothuajse të gjitha importet, në pritje të një sistemi të ri tarifor që pritet të hyjë në fuqi deri në muajin korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
