Kulla: Në Siri ka dëshirë për t’iu rikthyer jetës, qeveria aktuale është anti-izraelite

Eksperti i çështjeve ndërkombëtare Ilir Kulla i sapo kthyer nga Siria, thotë se shikohet një dëshirë për t’iu rikthyer jetës.

Nga studio e “Zonë e Lirë” në MCN TV, ai deklaroi se miqtë që takoi ishin të lumtur që Bashar al Assad u largua, duke e etiketuar si “faraoni”.

Qeveria aktuale sot është anti-izraelite, për sa kohë nuk ka një marrëveshje paqe. Izraelitët bombarduan ministrinë e Jashtme para dy javësh. 

Formalisht janë në luftë, plus që ndodhen lartësitë Golan ku ndodhet popullsia druze, për të cilët janë përplasur. 

Duket se ka një dëshirë për t’u relaksuar gjërat, aq më tepër që po relaksohen dhe gjërat në Gaza.