Sistemi raketor “Iron Dome” ka qenë gati 99% efektiv kundër raketave nga militantët e Hamasit dhe Hezbollahut dhe ka rrëzuar shumicën e raketave nga Irani, tha të hënën shefi i prodhuesit shtetëror të Iron Dome, Rafael Advanced Defense Systems Ltd.
Yuval Steinitz tha në një konferencë në Qendrën e Jerusalemit për Siguri dhe Çështje të Jashtme se që nga tetori i vitit 2023, Hamasi në Gaza dhe Hezbollahu në Liban së bashku kanë hedhur rreth 40 000 raketa drejt Izraelit.
"Sistemi raketor “Kupola e hekurt” ka kapur shumicën e tyre me shkallë suksesi që nuk janë 100%, por afër 100%. Është rreth 98%, madje 99%, kështu që nuk është perfekt, por pothuajse", tha Steinitz.
Irani, tha ai, ka lëshuar rreth 1 500 raketa balistike drejt Izraelit në dy raunde luftimesh që nga viti 2024 dhe "vetëm disa dhjetëra" nuk u interceptuan.
Ai vuri në dukje se nuk kishte mungesë të interceptorëve të raketave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
