Astronomët kanë zbuluar prova të reja që sugjerojnë se Rruga e Qumështit mund të ketë “gëlltitur” një galaktikë xhuxhe rreth 10 miliardë vjet më parë. Galaktika e lashtë, e pagëzuar me emrin “Loki”, sipas perëndisë nordike të djallëzisë, mund të përfaqësojë një nga pjesët më të rëndësishme të historisë së fshehur të galaktikës sonë.
Sipas një studimi të publikuar në revistën shkencore “Monthly Notices of the Royal Astronomical Society”, studiuesit identifikuan 20 yje shumë të varfër në metale pranë diskut të Rrugës së Qumështit. Përbërja kimike dhe orbitat e tyre sugjerojnë se këta yje nuk janë formuar në galaktikën tonë, por i përkisnin një sistemi tjetër kozmik të përthithur miliarda vite më parë.
Zbulimi u bë falë të dhënave të teleskopit hapësinor Gaia të Agjencisë Evropiane të Hapësirës dhe vëzhgimeve të realizuara nga Teleskopi Kanada-Francë-Hawaii. Astronomët besojnë se këta yje janë më të vjetër se 10 miliardë vjet dhe ndodhen rreth 7 mijë vite dritë larg sistemit diellor.
Shkencëtarët thonë se ky zbulim mund të ndryshojë mënyrën se si kuptohet evolucioni i hershëm i Rrugës së Qumështit. Sipas tyre, bashkimi me galaktikën Loki mund të ketë qenë një nga ngjarjet më të mëdha në historinë e formimit të galaktikës sonë, duke lënë gjurmë që deri tani kishin mbetur të fshehura pranë diskut galaktik.
Ekspertët theksojnë se nevojiten studime të mëtejshme për të konfirmuar plotësisht ekzistencën e Lokit, por e konsiderojnë këtë teori një mundësi shumë premtuese për të zbuluar “historinë e ngrënies” së Rrugës së Qumështit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
