Siria, sërish arenë lufte/ Përplasje mes kurdëve dhe forcave qeveritare

Siria është shndërruar sërish në skenë të përleshjeve të reja midis forcave qeveritare dhe luftëtarëve kurdë.

Luftimet  janë përqendruar në Alepo në qytetin e dytë më të madh të Sirisë, ku ushtria  ka marrë kontrollin e  këtij rajoni që dominohet nga kurdët, një pakicë e konsiderueshme etnike në verilindje të vendit dhe disa rrethe të Alepos.

Përleshjet shpërthyen ndërsa kurdët dhe qeveria siriane po përpiqen të zbatojnë marrëveshjen që arritën në mars, e cila parashikon integrimin e institucioneve të administratës autonome kurde dhe krahut të saj të armatosur, Forcave Demokratike Siriane (SDF), në shtetin e ri sirian.

Gjatë natës ushtria siriane nisi një sulm "me predha tankesh dhe bombardime të ashpra artilerie, ndërsa kurdët rezistuan duke u kundërpërgjigjur me dronë.  Forcat Demokratike Siriane të udhëhequra nga kurdët thanë se ofensiva e forcave qeveritare siriane në Alepo u mbështetet nga dronët turq.

Videot që kanë qarkulluar tregojnë qytetarë që përpiqen të largohen nga mes breshërive të armëve të zjarrit.

Për më tepër, për shkak të luftimeve , dhjetëra mijëra civilë janë detyruar të largohen nga shtëpitë e tyre, me OKB-në që vlerëson të paktën 30 mijë  familje të zhvendosura.

Observatori Sirian për të Drejtat e Njeriut vuri në dukje se janë vrarë dhjetëra persona, mes të cilëve një vajzë 10-vjeçare ndërsa foli për disa lëshime raketash nga rebelët kurdë që synonin një aeroport ushtarak në Aleppon lindore.