Putin: Rusia do t’u përgjigjet testeve bërthamore nga SHBA-të dhe shtetet e tjera

Rusia do të duhet të përgjigjet në mënyrë të përshtatshme ndaj testeve bërthamore të kryera nga Shtetet e Bashkuara ose vende të tjera.

 

Kështu deklaroi Presidenti rus Vladimir Putin gjatë një takimi të Këshillit të Sigurimit, duke theksuar se nëse Shtetet e Bashkuara ose vende të tjera, palë në Traktatin e Mospërhapjes Bërthamore, do të kryejnë teste, Rusia do të duhej të merrte masat e duhura si reagim.

Ndërhyrja e udhëheqësit të Kremlinit vjen pasi Presidenti i SHBA-së, Donald Trump, njoftoi ditët e fundit se kishte dhënë udhëzime për të rifilluar testimet e armëve bërthamore, duke pretenduar se disa vende të tjera po bënin të njëjtën gjë.