Administrata e Presidentit amerikan Donald Trump ka publikuar një grup të ri dosjesh të deklasifikuara mbi UFO-t dhe fenomenet ajrore të paidentifikuara (UAP), duke nxitur interes të madh publik në mbarë botën.
Publikimi vjen pas urdhrit presidencial të 8 majit dhe përfshin 222 dosje me dokumente, foto dhe video të mbledhura nga Pentagoni dhe agjenci të tjera amerikane.
Sekretari i Mbrojtjes, Pete Hegseth, deklaroi se materialet janë bërë publike në emër të “transparencës maksimale”, duke theksuar se qytetarët amerikanë duhet të kenë mundësinë të gjykojnë vetë mbi informacionet që për dekada kanë qenë të klasifikuara.
Mes dokumenteve më të rëndësishme janë raportet për “sferat e gjelbra” dhe objektet misterioze të vëzhguara pranë bazës sekrete Sandia në New Mexico gjatë viteve 1948-1950, si dhe dëshmi nga astronautët e misioneve Apollo 12 dhe Apollo 17, të cilët raportuan fenomene të pazakonta gjatë udhëtimeve në hapësirë.
Megjithatë, ekspertët që kanë analizuar materialet e para të publikuara thonë se deri tani nuk ka prova konkrete për ekzistencën e jetës aliene apo teknologjisë jashtëtokësore. Pentagoni ka bërë të ditur se një pjesë e tretë e dosjeve do të publikohet së shpejti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
