Presidenti amerikan Donald Trump përdori tone tepër pozitive ndaj homologut të tij kinez Xi Jinping gjatë takimit të zhvilluar në Pekin, duke e cilësuar marrëdhënien mes tyre “fantastike” dhe duke shprehur “respekt të madh” për liderin kinez dhe për Kinën.
Trump e përshkroi Xi Jinping si një “lider të madh”, ndërsa theksoi se delegacioni amerikan pret me interes bisedimet për tregtinë dypalëshe mes dy vendeve.
“Është nder të jem me ju. Është nder të jem miku juaj dhe marrëdhëniet mes Kinës dhe SHBA-së do të bëhen më të mira se kurrë”, deklaroi presidenti amerikan gjatë fjalës së tij në Pallatin e Madh të Popullit.
Ai shtoi se të dy vendet kanë potencial për një bashkëpunim më të fortë në të ardhmen.
“Së bashku do të kemi një të ardhme të mrekullueshme”, u shpreh Trump.
Pas deklaratave hapëse, Donald Trump dhe Xi Jinping zhvilluan bisedime dypalëshe me dyer të mbyllura, të cilat zgjatën rreth dy orë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
