Presidenti amerikan Donald Trump u tha gazetarëve të martën se po i jep Hamasit "tre deri në katër ditë" për t'iu përgjigjur planit të paqes në Gaza, të cilin ai e shpalli së bashku me kryeministrin izraelit Benjamin Netanjahu një ditë më parë.
I pyetur nga Alayna Treene e CNN-së për afatin kohor, Trump tha se "nëse Hamasi nuk pranon marrëveshjen, fundi do të jetë i trishtë”.
“Ne thjesht po presim Hamasin, dhe Hamasi ose do ta bëjë ose jo, dhe nëse nuk e bën, do të jetë një fund shumë i trishtë”, tha Trump.
Trump tha të hënën se fundi i luftës në Gaza ishte më afër se kurrë pasi Netanjahu ra dakord për planin 20-pikësh. Por propozimi ende s’e ka marrë miratimin e Hamasit. Bëhet fjalë për një numër dispozitash të përfshira në plan që grupi terrorist i ka refuzuar më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
