Qindra qytetarë pritet të protestojnë në Nuuk kundër hapjes së konsullatës së re amerikane në Groenlandë, pasi i dërguari special i SHBA-së, Jeff Landry, deklaroi se është “koha që SHBA-të të lënë gjurmën e tyre përsëri” në territorin arktik.
Kryeministri i Groenlandës dhe disa politikanë kanë paralajmëruar bojkot të ceremonisë, ndërsa organizatorët e protestës theksojnë se “jo do të thotë jo” ndaj ndikimit amerikan.
Vizita e Landry-t ka shkaktuar reagime të forta, sidomos pas deklaratave për rritjen e pranisë ushtarake dhe ekonomike amerikane në Groenlandë.
SHBA po shqyrton zgjerimin e bazave dhe investimeve strategjike në rajon, ndërsa Groenlanda vazhdon të insistojë se nuk është në shitje, pavarësisht presionit dhe interesit të madh amerikan për rëndësinë gjeopolitike dhe burimet minerare të ishullit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
