Si pjesë e rinovimeve të gjera të Shtëpisë së Bardhë nga Donald Trump, presidenti ka përfshirë një sallë të madhe vallëzimi për pritjet shtetërore, një nga projektet më të mëdha të ndërmarra në ndërtesën e famshme në më shumë se një shekull.
Ishte vetë Trump ai që njoftoi projektin. “Do të jetë i bukur; unë jam ekspert,” u tha ai gazetarëve.
Zëdhënësja e Shtëpisë së Bardhë, Karoline Leavitt, shpjegoi se vetë presidenti dhe donatorë privatë do të financojnë projektin prej 200 milionë dollarësh.
Për 150 vjet, presidentët, kabinetet dhe stafi i Shtëpisë së Bardhë kanë pritur për një sallë vallëzimi madhështore. Salla e vallëzimit, do të presë deri në 650 mysafirë, do të zërë një ndërtesë të re me sipërfaqe mbi 8000 metra katrorë. Ndërtimi është planifikuar të fillojë në shtator, kështu që mund të përfundojë para përfundimit të mandatit të dytë të Donald Trump, më 20 janar 2029.
Qëllimi është të krijohet një hapësirë e dedikuar për darka madhështore në nder të krerëve të shteteve të huaja, të cilat deri më tani janë mbajtur në një pavijon të madh të ngritur përkohësisht në kopshte.
Salla e vallëzimit do të jetë një ndërtesë e bardhë imponuese me dritare dhe kolona të larta, e ndërtuar në vendin e Krahut Lindor aktual, ku tradicionalisht ndodhen zyrat e Zonjës së Parë.
Projekti premton të jetë një nga më të mëdhenjtë që nga rinovimi dhe zgjerimi i Presidentit Theodore Roosevelt në fillim të shekullit të 20-të.
Presidenti Harry Truman mbikëqyri gjithashtu rinovimet e mëdha midis viteve 1948 dhe 1952, megjithëse struktura e jashtme mbeti e pandryshuar.
Donald Trump ka shprehur prej kohësh dëshirën e tij për të ndërtuar një sallë vallëzimi në Shtëpinë e Bardhë dhe së fundmi tha se ishte frymëzuar nga ajo në Turnberry Golf Resort në Skoci, një nga pronat e familjes së tij.
Rezidenca e tij luksoze Mar-a-Lago në Florida shërben gjithashtu si model për formësimin e Shtëpisë së Bardhë sipas imazhit të tij.
Miliarderi republikan, i frymëzuar nga verandat në Mar-a-Lago, shtroi lëndinën e Kopshtit të famshëm të Trëndafilave të Shtëpisë së Bardhë, ku shpesh mbahen aktivitete zyrtare.
Presidenti gjithashtu e zbukuroi Zyrën Ovale me zbukurime ari dhe instaloi dy flamuj gjigantë amerikanë në lëndina. Shtëpia e Bardhë ka qenë rezidenca dhe vendi i punës i presidentëve amerikanë që nga viti 1800. I pari që jetoi atje ishte John Adams, presidenti i dytë i Shteteve të Bashkuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
