Një 46-vjeçar britanik, Andrew Crowley, u dënua pasi tentoi t’i shiste shtëpisë prestigjioze të ankandeve Sotheby's katër statuja të lashta të rreme me dokumente të falsifikuara.
Ai pretendoi se objektet ishin trashëguar nga gjyshi i tij dhe, nëse do të rezultonin autentike, vlera e tyre do të arrinte deri në 680 mijë paund.
Mashtrimi u zbulua kur ekspertët mjeko-ligjorë konstatuan se faturat e paraqitura si dokumente të vitit 1976 ishin prodhuar me teknologji shtypi të shpikur pas vitit 2001.
Ekspertët e Sotheby’s identifikuan gjithashtu gabime drejtshkrimore në dokumente. Gjykata e Southwark në Londër e dënoi Crowley me dy vite dënim me kusht, 200 orë punë të papaguar dhe pagesën e 1,630 paundëve shpenzime gjyqësore.
Autoritetet dhe Sotheby’s e cilësuan rastin si një shembull të rëndësisë së verifikimit profesional në tregun e artit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
