Emri i Presidentit të SHBA-së, Donald Trump, është hequr nga fasada e Qendrës Kennedy në Uashington.
“Emri i presidentit ishte shtuar në vendin e ngjarjes në mënyrë të paligjshme”, vendosi një gjyqtar federal muajin e kaluar, duke urdhëruar heqjen e tij deri të premten, 12 qershor.
Një përpjekje e minutës së fundit nga administrata Trump për të pezulluar urdhrin u refuzua nga gjykatësi.
Çështja rrjedh nga një mosmarrëveshje më e gjerë ligjore mbi riemërtimin e institucionit kulturor, të cilin ligji amerikan e përcakton si një memorial për Presidentin John F. Kennedy.
Gjykatësi i Gjykatës së Qarkut të SHBA-së, Christopher Cooper, vendosi në fund të majit se vendi në qendër të Uashingtonit nuk mund të riemërtohet pa miratimin e Kongresit.
Administrata Trump kishte argumentuar se ndryshimi i emrit të qendrës mund të krijonte konfuzion nëse vendimi do të rrëzohej më vonë.
Presidenti i SHBA-së njoftoi shtimin e emrit të tij në institucion, vitin e kaluar.
Në shkurt të vitit 2025, ai zëvendësoi disa administratorë në bordin e qendrës dhe u emërua vetë si administrator përpara se të votohej si kryetar i qendrës së arteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
