Pezeshkian: SHBA të vendosin nëse do ta përfundojnë luftën

Janë SHBA-të ato që duhet të vendosin nëse do t’i japin fund luftës. Ne nuk zgjodhëm luftën, u sulmuam dhe na u desh të mbroheshim.

 

Presidenti iranian Masoud Pezeshkian e bëri një deklaratë të tillë në një intervistë me Fox News, kur u pyet për parashikimet e tij në lidhje me fundin e konfliktit.

Kur mund t’i zgjidhim çështjet përmes dialogut, nuk duhet të përdorim vrasjen e njëri-tjetrit. Por për shkak të provokimeve të Izraelit, kjo luftë na u imponua. Megjithatë, ne nuk duam të vazhdojmë. Është Amerika që duhet të zgjedhë nëse do ta përfundojë apo jo.

 

Ai përsëriti se Irani është gati të arrijë një marrëveshje me Presidentin Donald Trump për t’i dhënë fund konfliktit. 

Pse zgjodhën të hedhin gjithçka në erë vetëm dy javë pasi u nënshkrua marrëveshja? Nëse administrata aktuale amerikane dëshiron të arrijë një marrëveshje brenda kuadrit ligjor ndërkombëtar, në rregull. Nëse jo, qoftë para apo pas zgjedhjeve të mesmandatit në SHBA, çfarë ndryshimi bën për ne?

 

Pezeshkian këmbënguli që Huthit nuk marrin urdhra nga Teherani. Uashingtoni dhe aleatët e tij, përfshirë Arabinë Saudite dhe qeverinë jemenase të mbështetur nga Riadi, akuzojnë Iranin për mbështetjen e lëvizjes militante Huthit, përgjegjëse për lëshimin e raketave balistike kundër mbretërisë dhe luftën kundër forcave të mbështetura nga Riadi për kontrollin e Jemenit. 

Huthit janë përgjegjës për veprimet e tyre. Ata nuk marrin urdhra nga ne, ata veprojnë si një forcë rezistence në rajon, sipas situatave që u imponohen. Ne kemi kontakte me ta, por nuk ka një marrëdhënie sistematike.