Organizata Botërore e Shëndetësisë e ka shpallur shpërthimin e Ebolës në Republikën Demokratike të Kongos dhe Ugandë një “Emergjencë shëndetësore publike me shqetësim ndërkombëtar”, duke paraqitur rrezik për vendet fqinje.
OBSH tha se shpërthimi i shkaktuar nga lloji Bundibugyo i virusit, nuk i plotëson kriteret për t’u shpallur pandemi, por vendet që ndajnë kufij tokësorë me Republikën Demokratike të Kongos janë në rrezik të lartë për përhapje të mëtejshme.
Agjencia shëndetësore e OKB-së tha në një deklaratë se që nga 16 maji, 80 vdekje të dyshuara ishin raportuar në provincën Ituri, Republika Demokratike e Kongos, dhe tetë raste të konfirmuara në laborator dhe 246 raste të dyshuara në të paktën tre zona shëndetësore, përfshirë Bunia, Rwampara dhe Mongbwalu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
