Një shpërthim në një laborator kokaine vrau nëntë persona të premten në Kolumbi.
Shpërthimi ndodhi në Narino, në jugperëndim të vendit, në një zonë prodhuese të kokainës e banuar nga populli indigjen Awa dhe e mbushur me grupe të armatosura ilegale. Tetë persona u plagosën.
Viktimat punonin për Koordinatorin Kombëtar të Ushtrisë Bolivariane, një fraksion i ish-grupit gueril FARC, tashmë i shpërbërë. Një hetim paraprak zbuloi se një bombol gazi shpërtheu ndërsa po përdorej për prodhimin e drogës.
“Për shkak të gabimit njerëzor dhe përdorimit të gabuar të bombolave të gazit… vendi u përfshi nga flakët brenda pak sekondash,” thuhej në një deklaratë të grupit.
Rajoni ka qenë prej dekadash kyç për trafikimin e kokainës drejt Shteteve të Bashkuara, dhe kontrabandistët e drogës kanë forcuar kontrollin e tyre lokal me ndihmën e kartelave meksikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
