Mbreti Mohammed VI i Marokut ka emëruar Fatima Ezzahra El Mansouri si kryeministren e parë femër të vendit, duke u bërë njëkohësisht gruaja e dytë në historinë e botës arabe që mban këtë post ekzekutiv.
Deklarata zyrtare e pallatit mbretëror, e lëshuar këtë të martë, konfirmoi se 50-vjeçarja, e cila shërbente si ministre e planifikimit urban dhe kryebashkiake e Marrakeshit, ka marrë mandatin për formimin e qeverisë së re pas zgjedhjeve parlamentare të javës së kaluar.
Partia e saj e lidhur me monarkinë, Autenticiteti dhe Moderniteti (PAM), doli forcë e parë duke siguruar 97 nga 395 vendet e parlamentit, por duke qenë se nuk e ka shumicën e plotë, detyra e parë e El Mansouri-t do të jetë ndërtimi i një koalicioni qeverisës.
Ky koalicion i ri do të ketë një rëndësi të jashtëzakonshme strategjike, pasi do të menaxhojë miliarda dollarë investime për përgatitjen e Kupës së Botës FIFA 2030, të cilën Maroku do ta bashkëorganizojë me Portugalinë dhe Spanjën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
