Këngëtarja me famë botërore, Dua Lipa, dhe aktori britanik Callum Turner janë martuar në një ceremoni intime të zhvilluar në Londër, ku morën pjesë vetëm familjarë dhe miq të ngushtë.
Çifti shkëmbeu betimet martesore në Old Marylebone Town Hall, një nga vendet më të njohura për martesa në kryeqytetin britanik.
Pas ceremonisë, të sapomartuarit u panë duke dalë nga godina mes duartrokitjeve dhe konfetive të hedhura nga të afërmit e tyre.
Dua u shfaq me një veshje elegante në ngjyrë të çelët, të kompletuar me kapelë dhe doreza, ndërsa Callum zgjodhi një kostum blu të errët.
Pamjet e publikuara nga mediat ndërkombëtare tregojnë çiftin të buzëqeshur teksa largohen së bashku pas kurorëzimit.
Sipas raportimeve, festimet e dasmës do të zhvillohen në Palermo të Siçilisë dhe do të zgjasin për disa ditë, duke mbledhur pranë çiftit familjarë, miq dhe të ftuar të veçantë nga bota e muzikës dhe showbiz-it.
Marrëdhënia mes Dua Lipës dhe Callum Turner u bë publike në vitin 2024, ndërsa fejesa e tyre u konfirmua në vitin 2025.
Martesa shënon një tjetër kapitull të rëndësishëm në historinë e çiftit, i cili është kthyer në një nga më të komentuarit në botën e argëtimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
