Franca do të fillojë rimbursimin e kostos së ilaçeve për humbje peshe për pacientët që përballen me një problem serioz të obezitetit përmes sistemit të shëndetit publik nga mesi i qershorit, njoftoi sot, ministrja e Shëndetësisë Stephanie Rist.
Barnat Wegovy të Novo Nordisk dhe Mounjaro të Eli Lill, në rritje të shpejtë për trajtimet kundër obezitetit, kanë tërhequr interesin e qeverive që kërkojnë të adresojnë problemet në rritje që lidhen me problemin në nivel ndërkombëtar.
Rist vlerësoi se kostoja vjetore për shtetin francez do të arrinte rreth 100 milionë euro kur masa të zbatohej plotësisht.
Ajo theksoi se pacientët në Francë aktualisht paguajnë mesatarisht rreth 300 euro në muaj për këto trajtime, pa specifikuar se sa njerëz po marrin tashmë një trajtim të tillë.
“Popullata e synuar është rreth një milion njerëz. Por kjo nuk do të thotë që të gjithë do ta marrin trajtimin, pasi do të shqyrtohet rast pas rasti dhe varet nga mjeku”, tha Rist në një intervistë me rrjetin televiziv TF1.
Rimbursimi përmes sistemit francez të sigurimeve shoqërore do të përfshijë trajtimet e injektueshme Wegovy dhe Mounjaro dhe do të jetë i disponueshëm për pacientët me obezitet të rëndë, me një indeks të masës trupore (BMI) prej të paktën 35 dhe të paktën një sëmundje bashkëshoqëruese ose një BMI mbi 40, pavarësisht nga gjendjet e tjera.
Ministrja shtoi se kompensimi do të mbulojë 65% të kostos, megjithëse në praktikë shumica dërrmuese e përfituesve do të gëzojnë mbulim të plotë për shkak të problemeve shëndetësore shoqëruese.
“Masa adreson një sfidë në rritje të shëndetit publik dhe nevojën për kujdes të përshtatshëm terapeutik”, tha për Reuters CEO i Novo Nordisk France, Etienne.
Ilaçet kundër obezitetit do të jenë të disponueshme në Francë me recetë nga viti 2024.
“Kjo tregon largpamësinë dhe pjekurinë e sistemit francez, si dhe angazhimin e tij për të ndarë burimet e nevojshme për të adresuar këtë sëmundje kronike”, tha Presidenti dhe Drejtori Ekzekutiv i Novo Nordisk, Mike Daustdar.
Novo Nordisk dhe Eli Lilly kanë lançuar pilula kundër obezitetit në tregun shumë konkurrues të SHBA-së. Javën e kaluar, Agjencia Evropiane e Barnave rekomandoi miratimin e pilulës Wegovy të Novo Nordisk, duke i hapur rrugën që ajo të bëhet ilaçi i parë oral për humbje peshe në Evropë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
