Maldivet kanë ndaluar pirjen e duhanit për këdo që ka lindur pas 1 janarit 2007.
"Sipas dispozitës së re, është e paligjshme për këdo që ka lindur më 1 janar 2007 ose pas tij, të blejë, përdorë ose shesë produkte duhani në Maldive. Ndalimi vlen për të gjitha format e duhanit dhe shitësit me pakicë duhet të verifikojnë moshën para se të shesin ", deklaroi ministria.
Po ashtu ministria shtoi se kjo masë u lançua nga Presidenti Mohamed Muizzu në fillim të këtij viti dhe synon të mbrojë shëndetin publik dhe të promovojë një brez pa duhan.
Masa vlen edhe për vizitorët e këtij vendi, i famshëm për turizmin e tij luksoz.
Shitja e produkteve të duhanit një të mituri dënohet me një gjobë prej 50,000 rufija (afërsisht 2800 euro).
Mbretëria e Bashkuar po shqyrton gjithashtu një ndalim të ngjashëm të duhanit për brezat e rinj, ndërsa Zelanda e Re, vendi i parë që miratoi një ligj të tillë kundër pirjes së duhanit e shfuqizoi atë në nëntor 2023, më pak se një vit pas futjes së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
