Stuhitë e fundit të dëborës në Japoni kanë shkaktuar 46 të vdekur dhe 558 të plagosur në më pak se një muaj, sipas të dhënave të reja të publikuara të martën nga Agjencia e Menaxhimit të Zjarrfikësve dhe Fatkeqësive.
Reshjet e vazhdueshme të dëborës që nga 20 janari kanë mbuluar pjesën më të madhe të Japonisë veriore, duke shkaktuar kaos të përhapur në rrugë, veçanërisht përgjatë bregdetit të Detit të Japonisë.
Në Prefekturën Aomori, në veri të ishullit kryesor të Japonisë, banorët po përballen me 1.3 metra dëborë në tokë, sipas Agjencisë Meteorologjike të Japonisë.
Shumë aksidente fatale janë shkaktuar nga grumbullimet e dëborës që bien mbi viktimat nga çatitë, ose nga persona që bien ndërsa përpiqen të pastrojnë borën, sipas policisë dhe zyrtarëve lokalë.
Në fund të janarit, një grua 91-vjeçare japoneze u gjet e groposur nën tre metra dëborë përpara shtëpisë së saj në Aomori. Policia beson se ajo ishte mbuluar nga dëbora që kishte rënë nga çatia e saj.
Në fillim të shkurtit, qeveria dërgoi personel ushtarak për të ndihmuar banorët e Prefekturës Aomori, zona më e goditur, ku deri në 4.5 metra dëborë u grumbulluan në zona të izoluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
