Presidenti i Kolumbisë, Gustavo Petro, i tha BBC-së se beson që tani ekziston një “kërcënim real” i veprimeve ushtarake të SHBA-së kundër Kolumbisë.
Petro tha se SHBA-të po i trajtojnë kombet e tjera si pjesë të një "perandorie" amerikane. Kjo vjen pasi Trump tha se një operacion ushtarak në Kolumbi "tingëllon si ide mirë". Petro tha se SHBA-të rrezikojnë të transformohen nga "dominimi i botës" në "izolim nga bota".
Ai akuzoi gjithashtu agjentët e Shërbimit Amerikan të Imigracionit dhe Doganave (ICE) se veprojnë si "brigada naziste". Trump ka zgjeruar ndjeshëm operacionet e ICE si pjesë e asaj që administrata e quan një goditje ndaj krimit dhe emigrantëve që kanë hyrë ilegalisht në SHBA.
BBC i është drejtuar Shtëpisë së Bardhë për koment.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
