Zelensky thirrje OKB-së: Mos heshtni, na mbështetni. Putini do ta çojë luftën përpara

Mos heshtni ndërsa Rusia vazhdon ta zvarrisë këtë luftë. Ju lutem flisni hapur dhe dënojeni atë. Ju lutem bashkohuni me ne në mbrojtjen e vendit tonë; paqja varet nga të gjithë ne.

 Ne duhet të bëjmë gjithçka që mundemi për të ndaluar agresorin. Nëse duhen armë për ta bërë këtë, nëse duhet presion për ta bërë këtë, le ta bëjmë tani. Nuk ka armëpushim sepse Rusia e refuzon atë.

Kështu tha Presidenti ukrainas Volodymyr Zelensky, duke folur në Asamblenë e Përgjithshme të Organizatës së Kombeve të Bashkuara.

Lufta e Rusisë kundër vendit tim vazhdon. Njerëzit vazhdojnë të vdesin çdo javë, megjithatë nuk ka armëpushim sepse Rusia refuzon. 

Rusia ka rrëmbyer mijëra fëmijë ukrainas dhe ne kemi sjellë disa prej tyre mbrapsht. Dhe i falënderoj, i falënderoj të gjithë ata që na ndihmuan. 

Por sa kohë do të duhet për të sjellë mbrapsht të gjithë ata, fëmijëria e të cilëve po zhduket më shpejt sesa mund t’i ndihmojnë të rriturit?

Zelensky deklaroi se Ukraina nuk i ka raketat e mëdha që diktatorët pëlqejnë t’i shfaqin në parada.

Ai shtoi se vendi i tij nuk kishte zgjidhje tjetër veçse të ndërtonte dronë për të mbrojtur të drejtën për të jetuar.

Ndalimi i Putinit tani është më i lirë sesa përpjekja për të mbrojtur çdo port dhe çdo anije nga terroristët me dronë detarë. 

Ndalimi i Rusisë tani është më i lirë sesa të pyesësh veten se kush do të jetë forca për të krijuar një dron të thjeshtë që mban një kokë bërthamore.

Le të përdorim gjithçka që kemi së bashku për ta detyruar agresorin të ndalet dhe vetëm atëherë kemi një shans të vërtetë që kjo garë armatimesh të mos përfundojë në katastrofë për të gjithë ne. 

Nëse duhen armë për ta bërë këtë, nëse duhet presion mbi Rusinë, atëherë duhet bërë, dhe duhet bërë tani. 

Përndryshe, Putini do ta çojë luftën përpara, gjithnjë e më thellë. Dhe jua thamë edhe më parë, Ukraina është vetëm e para ai.