Disa anëtarë të NATO-s do të sigurojnë së bashku një paketë ushtarake prej 430 milionë eurosh për Ukrainën, sipas Sekretarit të Përgjithshëm Mark Rutte.
Danimarka, Estonia, Finlanda, Islanda, Letonia, Lituania, Norvegjia dhe Suedia pritet ta financojnë paketën përmes programit të Listës së Kërkesave me Prioritet për Ukrainën. Programi u miratua në shtator, duke i lejuar Uashingtonit të furnizojë me armë Kievin, ndërsa anëtarët evropianë mbulojnë kostot.
Presidenti i SHBA-së, Donald Trump, e ka kritikuar shpesh paraardhësin e tij, Joe Biden, për dhënien e paketave të mëdha të ndihmës ushtarake.
Ai gjithashtu ka këmbëngulur që anëtarët e NATO-s në Evropë të mbajnë barrën kryesore të mbështetjes së Ukrainës.
Më herët këtë javë, presidenti amerikan deklaroi edhe një herë se Uashingtoni kishte shpenzuar 350 miliardë dollarë për konfliktin në Ukrainë dhe se Amerika nuk do të ndante më fonde të tilla. “Tani po na paguajnë përmes NATO-s”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
