Forcat e armatosura të Iranit mohojnë se ishin ato që lëshuan një raketë balistike kundër Turqisë.
Mediat iraniane raportuan se, sipas një deklarate nga forcat e armatosura të vendit, ato nuk lëshuan raketë kundër Turqisë, pasi “respektojnë sovranitetin e saj kombëtar”.
Ministria turke e Mbrojtjes njoftoi të mërkurën, se një raketë balistike e nisur nga Irani dhe e drejtuar për në territorin turk, pasi kaloi nëpër Siri dhe Irak, u rrëzua nga sistemet ajrore dhe të mbrojtjes raketore të NATO-s mbi Mesdheun lindor.
Agjencia franceze e lajmeve, duke cituar një zyrtar turk, tha se raketa kishte për qëllim Qipron , por NATO zyrtarisht tha se ajo kishte për qëllim Turqinë.
Disa media turke kanë sugjeruar se baza ushtarake Incirlik mund të ketë qenë objektivi.
Ministri i Jashtëm i Turqisë foli me homologun e tij iranian dhe shprehu reagimin e Turqisë, duke deklaruar se duhen shmangur hapat që mund të çojnë në përhapjen e konfliktit.
Të mërkurën në mbrëmje, ambasadori iranian në Ankara u thirr në Ministrinë e Jashtme turke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
