Administrata e presidentit Donald Trump ka paralajmëruar mediat amerikane se mund të përballen me humbjen e licencave të transmetimit nëse vazhdojnë raportimin kritik për luftën kundër Iranit.
Kryetari i Federal Communications Commission, Brendan Carr, deklaroi se transmetuesit që përhapin “shtrembërime dhe lajme të rreme” duhet të korrigjojnë raportimin para rinovimit të licencave.
Deklarata ka shkaktuar reagime të forta nga politikanë dhe organizata për lirinë e shprehjes, të cilët e konsiderojnë paralajmërimin si presion ndaj mediave dhe rrezik për lirinë e shtypit në SHBA.
Kritikat vijnë në një kohë kur lufta e nisur më 28 shkurt nga SHBA dhe Izraeli kundër Iranit po përballet me kundërshtim të gjerë në opinionin publik amerikan.
Një sondazh i kohëve të fundit i Quinnipiac zbuloi se 53 përqind e votuesve kundërshtojnë veprimin ushtarak kundër Iranit, përfshirë 89 përqind të demokratëve dhe 60 përqind të votuesve të pavarur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
