Shtetet e Bashkuara të Amerikës kanë informuar Rumaninë dhe aleatët e saj se do të zvogëlojnë trupat e vendosura në frontin lindor të Evropës.
Kështu bëri me dije Ministria e Mbrojtjes në Rumani në një deklaratë për mediat këtë të mërkurë.
Ministria shtoi se rreth 1,000 ushtarë amerikanë do të mbeten të vendosur në Rumani pas këtij rivlerësimi.
“Nuk po flasim për një tërheqje të forcave amerikane, por për ndërprerjen e rotacionit të një brigade që kishte elementë në disa vende të NATO-s, përfshirë Bullgarinë, Rumaninë, Sllovakinë dhe Hungarinë ”, sqaroi Ministri i Mbrojtjes Ionut Mosteanu në një konferencë për shtyp të mbajtur menjëherë pas publikimit të deklaratës së ministrisë së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
