Presidenti i amerikan, Donald Trump, njoftoi se pati një bisedë telefonike shumë produktive me Presidentin kinez Xi Jinping, gjatë së cilës u diskutuan çështje kritike si tregtia, kriza e fentanilit, lufta Rusi-Ukrainë dhe miratimi i marrëveshjes TikTok.
Sipas Trump, të dy liderët ranë dakord të takohen në Samitin e APEC-ut në Korenë e Jugut, ndërsa po planifikojnë vizita të ndërsjella.
Trump tha se do të udhëtojë për në Kinë në fillim të vitit të ardhshëm dhe se Xi do të vizitojë Shtetet e Bashkuara të Amerikës në një kohë të përshtatshme.
Presidenti amerikan e përshkroi bisedën si “shumë të mirë” dhe shtoi se të dyja palët do të kenë kontakte të reja në të ardhmen e afërt.
“Biseda ishte shumë e mirë, do të flasim përsëri në telefon, e vlerësoj mbështetjen e TikTok dhe të dy mezi presim të takohemi në Samitin e APEC”, tha Trump në një postim në rrjetin social Truth.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
