Çdo veprim armiqësor do të provokojë një përgjigje të menjëhershme dhe vendimtare, paralajmëroi Ministri i Jashtëm iranian Abbas Araghchi, pasi tensionet në Lindjen e Mesme janë përshkallëzuar në mënyrë të rrezikshme në 24 orët e fundit.
Forcat tona të armatosura po kryejnë sulme vetëmbrojtëse kundër pozicioneve që SHBA-së i lejohet të përdorë për të sulmuar anijet civile dhe për të shkelur armëpushimin.
Deklaratat vijnë pasi më herët gjatë ditës së sotme Irani nisi sulme me raketa dhe dronë në aeroportet e Kuvajtit dhe Bahreinin.
Ministria e Jashtme e Iranit akuzoi Kuvajtin dhe Bahreinin se kanë lejuar Shtetet e Bashkuara të nisin sulme nga territori i tyre kundër një tankeri iranian të naftës në Ngushticën e Hormuzit dhe një kulle telekomunikacioni në ishullin Qeshm në Gjirin Persik.
Ministria theksoi në një deklaratë se “dënon fuqimisht përdorimin kolonialist të territorit dhe infrastrukturës së vendeve në rajon nga SHBA-të për të nisur veprimet e saj agresive kundër Iranit”, ndërsa theksoi se udhëheqësit e Kuvajtit dhe Bahreinit mbajnë përgjegjësi të drejtpërdrejtë dhe të qartë për këto sulme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
