Mijëra njerëz, përfshirë familjet e pengjeve izraelite që mbahen ende nga Hamasi dolën në rrugët e Tel Avivit siç bëjnë çdo të shtunë, këtë herë për të dënuar sulmin në Katar dhe për të kërkuar përsëri një marrëveshje për të sjellë të dashurit e tyre në shtëpi, duke theksuar se çdo ditë vonesë është një rrezik vdekjeprurës.
Sipas tyre kryeministri Benjamin Netanyahu është pengesa e vetme për arritjen e një marrëveshjeje.
"Sulmi ndaj udhëheqjes së Hamasit në Katar duket se ka prishur bisedimet për lirimin e pengjeve në Gaza dhe një marrëveshje armëpushimi", tha një nga protestueset.
Sharon Alony Cunio, bashkëshorti i së cilës, mbahet ende rob nga Hamasi në Gaza dhe besohet se është gjallë, akuzoi qeverinë për vonesën e lirimit të 48 të burgosurve të mbetur.
"Negociatat janë ndërprerë përsëri. Çdo vonesë përfaqëson një rrezik vdekjeprurës", tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
